"Барселона" бугун расман габонлик 32 ёшли ҳужумчи Пьер-Эмерик Обамеянг билан шартнома имзолаганини эълон қилди.
Форвард билан тузилган шартнома 2025 йилга қадар мўлжалланган бўлиб, 2023 йилнинг ёзида ўзаро келишув асосида бекор қилиниши мумкин.
Журналист Тони Хуанмартининг фикрича, Обамеянгнинг 2023 йилдан кейин ҳам "Барса"да қолиши даргумон, чунки клуб унга келаси мавсумларда олиши керак бўлган маълум миқдорни тўлаб, шартномасини бекор қилиши мумкин.
Манбага кўра, бу формула билан габонликнинг маоши кўпроқ "тақсимланган" ва Каталония клубининг газнасига камроқ таъсир қилади.
Аввалроқ, "Арсенал" 31 январь куни шартномани бекор қилиш учун Обамеянгга 8 миллион евро тўлагани хабар қилинганди.
