"Ювентус" клуби ярим ҳимоячи Николо Фажиоли билан шартномани узайтириш бўйича музокараларни бошлашга тайёр, дея хабар бермоқда италиялик журналисти Николо Скира.
Маълумот учун, амалдаги шартнома муддати 2023 йилда тугайди. Манбанинг хабарига кўра, "Ювентус" футболчига узоқ муддатли шартнома таклиф қилишга тайёр.
20 ёшли футболчи жорий мавсумда "Кремонезе"да ижара асосида ўйнади. У жамоа сафида 17 та ўйинда майдонга тушиб, 3 та гол ва 5 та голли узатмага муаллифлик қилган.
Трансфермаркт футболчини 3,5 миллион еврога баҳоламоқда.
