Ҳужумкор ярим ҳимоячи Диего Перотти "Салернитана" футболчисига айланди, дея хабар беради Италия клуби матбуот хизмати.
Томонлар жорий мавсум якунига қадар шартнома имзолашди.
33 ёшли аргентиналик футболчи эркин агент мақомида клубга келиб қўшилди.
Маълумот учун, Перотти "Севилья", "Женоа" ва "Рома" клубларидаги ўйини билан мухлисларга яхши таниш. Унинг сўнгги клуби "Фенербахче" ҳисобланади.













