"Милан" ярим ҳимоячиси Кларенс Зеедорф "Барселона"га қарши кечган ўйинни бошқариб борган ҳакам ва унинг қарорларини муҳокама қилишни истамаётганлигини айтди.
"Мен иккинчи пенальти дарвозамизга белгиланган вазиятда, бироз узоқроқда турган эдим, шунинг учун ўша вазиятни кўрмадим. Аммо, атрофдаги кўпчиликнинг таъкидлашича, ҳакам пенальтини нотўғри белгилаган. Тўп ҳали бурчакдан ўйинга киритилмаган экан. Очиғи ўша вазиятга баҳо беришни истамайман.
"Шуни айтмоқчи эдимки, "Барса"дан учралган мағлубиятга ҳакам сабабчи эмас. Шунчаки "Барселона" биздан кучлироқ жамоа ва ўйинда яхши ўйнади", дея голландиялик футболчининг сўзларидан парча келтирмоқда Goal.com
