«Тоттенхэм» клуби ҳужумчи Ҳарри Кейн ёзда жамоани тарк этишга қарор қилса, унинг ўрнига ўринбосар топиш имкониятларини кўриб чиқмоқда.
«Шпорлар» «Наполи» ҳужумчиси Виктор Осимхенни ўз сафига қўшиб олмоқчи. Лондон клуби январь ойида трансферни амалга оширишга уриниб кўрди, аммо Неаполь клуби томонидан рад жавоби берилди. Энди «Тоттенхэм» ёзда нигериялик футболчини ўз сафига қўшиб олишга ҳаркат қилади ва унинг трансфери учун 70 миллион фунт таклиф қилади.
Осимхен жорий мавсум «Наполи» сафида 16 та ўйинда майдонга тушиб, 9 та гол ва 2 та голли узатмани амалга оширди.
