Россия Прьемер-Лигасининг бир қанча бош ҳакамлари ва ёрдамчи ҳакамлари Туркиядаги йиғинга учиб кетишдан олдин коронавирус учун топширган тестлари мусбат натижа кўрсатди.

«СЭ» хабарига кўра, ҳакамлар 3-14 февраль кунлари Туркияда бўлиб ўтадиган ўқув-йиғини машғулотларида иштирок этишдан бош тортишмоқда. Маълум қилинишича, айрим ҳакамлар Туркияда топширган тестлари манфий кўрсаткич берган.

Йиғинга 20 нафар бош ҳакам, 38 нафар қанот ҳакамлари, 20 нафар назоратчи ва 10 нафар ҳакам-инструктор таклиф этилди. Бугун ҳакамлар ёзма имтиҳон ва ўйин қоидалари бўйича видео тест ҳамда жисмоний тайёргарлик бўйича тест синовлари ўтказиши режалаштирилган эди.

Йиғинни ўтказиб юборган ҳакамлар, эҳтимол, февраль ойининг иккинчи ярмида ФНЛ ҳакамлари билан Туркияга жўнаб кетишади.

• РПЛ февраль ойи охирида давом эттирилади.
• ФНЛ мавсумининг баҳорги қисми март ойининг бошида бошланади.