«Аякс»нинг чап қанот ҳимоячиси Николас Тальяфико «Барселона»га амалга ошмай қолган трансфер ҳақида фикр билдирди.
- Клубнинг позициясидан кўнглингиз тўлдими? Қаерда ўйнашни хоҳлайсиз?
- Бир томондан, ҳа. Мен клубда тўрт йилдан бери ўйнаяпман. Аммо, агар менга ўзгариш керак бўлса, мен ҳеч қачон буни рад этмайман.
Мендан ҳар гал сўрашганида ростини айтганман. Вазият осон эмаслигини тушунаман, бу январда эди. Лекин охир-оқибат бу барчамизга зарар етказиши мумкин эди. Клуб мени бекорга ушлаб тургани йўқ. Буни тушунишга ҳаракат қиламан», — дейди Тальяфико.
