Иорданиянинг «Ал-Виҳдат» жамоаси Ҳиндистон чемпиони «Салгокар»ни 5:0 ҳисобида мағлубиятга учратди.

ОФК Кубоги «D» гуруҳи 3-тури доирасида бўлиб ўтган баҳсда ҳисоб 25-дақиқада Абдуллоҳ Диб томонидан, пенальти орқали очилди. Биринчи бўлимда бошқа ҳисоб ўзгармаган бўлса, иккинчи бўлим давомида Бранко Смильянович шогирдлари тўрт бора гол уришга муваффақ бўлишди.

Ушбу ғалабадан сўнг «Ал-Виҳдат» иккинчи ўриндаги ўрнини мустаҳкамлаб, гуруҳ пешқадами – «Нефтчи» билан орадаги фарқни яна биттагача камайтирди. Эслатиб ўтамиз, «Нефтчи» 4 апрель куни ўз майдонида Уммоннинг «Ал-Уруба» жамоасини 3:1 ҳисобида мағлубиятга учратган эди.

4-тур ўйинлари 10 апрель куни бўлиб ўтади. «Ал-Виҳдат» Ҳиндистонда «Салгокар» меҳмони бўлса, фарғоналиклар «Ал-Уруба» уйига сафар қилади.

ОФК Кубоги, «D» гуруҳи
3-тур. 4 апрель
«АЛ-ВИҲДАТ» (Иордания) – «САЛГОКАР» (Ҳиндистон) 5:0 (1:0)
Голлар: Абдуллоҳ Диб (25-пен.), Аҳмад Элиас (47), Иса ас-Сабоҳ (73), Маҳмуд Шилбаяҳ (90), Амир Абу Ҳвата (90+4).