"Челси" ҳимоячилари Сезар Аспиликуета ва Андреас Кристенсен фаолиятини Ла Лигада давом эттириши мумкин. Каталониянинг "Барселона" клуби "аристократлар" футболчиларининг хизматларига қизиқиш билдирмоқда, деб хабар беради Sport.es.
Манбага кўра, "кўк-анорранглилар" "Челси" билан ёзда шартномаси тугайдиган икки футболчини текинга олмоқчи. Қайд этилишича, “Барса” Аспиликуета билан шартнома борасида деярли келишиб олган.
Аспиликуета “Челси”да 2012 йилдан буён тўп тепмоқда. Испаниялик ҳимоячи жорий мавсумда Премер-лиганинг 17 ўйинида 2 та голли узатмани амалга оширди. Трансфермаркт ҳимоячини 11 миллион еврога баҳоламоқда.
Кристенсен жамоа тарбияланувчиси бўлиб, 2014 йилдан бери катталар жамоасида ўйнайди. Трансфермаркт ҳимоячини 35 миллион еврога баҳоламоқда.
