«Ювентус» бош мураббийи Массимилиано Аллегри бугунги матбуот анжуманида Влахович ҳақида фикр билдирди.
«Влаҳович келиши билан ўйинчиларнинг масъулияти ўзаро тенг тақсимланишда давом этади. Ҳамма нарса Влаховичнинг елкасига тушмайди.
У 22 ёшда ва «Фиорентина» сафида кўп гол урди, «Ювентус»да муваффақият қозонишни хоҳлайди. Лекин масъулият ҳамманинг зиммасида бўлиши керак», - дейди Аллегри.
Маълумот учун, 6 февраль, якшанба куни «Ювентус» Италия чемпионати навбатдаги тури доирасида «Верона»га қарши майдонга тушади.
