Яримҳимоячи Марцело Брозович «Интер» билан янги шартнома имзолади. Бу ҳақда миланликлар раҳбари Беппе Маротта маълум қилди, дея хабар беради Николо Скира. Томонлар ҳамма нарсада келишиб олдилар, бу ҳақда расмий эълон тез орада бўлиб ўтади.
Брозович «Интер»да 2015 йилдан буён ўйнаб келмоқда. У Италияга Загребнинг «Динамо» жамоасидан келган.
Ўтган мавсумда Брозович «нерадзуррилар»га А серияда ғалаба қозонишга ёрдам берди. Бу мавсумда ҳам «Интер» яна чемпионлик учун асосий давогар сифатида кўрилмоқда.
Эслатиб ўтамиз, аввалроқ хорват футболчисига Каталониянинг «Барселона» клуби қизиқиш билдиргани айтилганди.
