«Лион» ва Швейцария терма жамоаси ярим ҳимоячиси Хердан Шакири фаолиятини МЛСда давом эттиради.
Инсайдери Фабрицио Романонинг ёзишича, «Чикаго Файр» 30 ёшли футболчини сотиб олишга рози бўлган. Ушбу трансфер Америка клубига 7 миллион еврога тушади. Шакирининг шахсий шартномаси борасида ҳам футболчи билан келишувга эришган.
2021/22 йилги мавсумда Жердан «Лион» сафида Франция чемпионатининг 11 ўйинида 2 та гол урди ва 3 та голли узатмани амалга оширди. Шакири Швейцария терма жамоаси сафида 100та ўйинда майдонга тушиб, 26та гол урган. 2022 йилда у миллий терма жамоа таркибида тўртинчи жаҳон чемпионатида иштирок этишни режалаштирмоқда.
