Марио Гётценинг фикрича, унинг фаолиятида пасайишлар бўлишига Пеп Гвардиола сабабчи, немис бу мутахассисни муаммоларда айбламоқда. Унинг фикрича, ўша пайтда «Бавария»ни бошқарган каталониялик мутахассис унинг фаолиятини издан чиқариб юборган.
«Бавария»ни тарк этишимга тўғри келганда, мен «Ливерпуль» ҳақида ўйладим. Клопп жамоасига қайтишдан хурсанд бўлардим, у менга иккинчи ота бўлди», - дейди Гётце.
Гвардиола мени ҳурмат қиларди, лекин у доим тактика ҳақида ўйлайдиган одам. Бу борада мен ундан кўп нарсани ўргандим, лекин у билан муносабатларим яхши чиқмади.
У фақат майдонда содир бўлаётган воқеалар ҳақида ўйлайди, майдон ташқарисида муҳим бўлган нарсаларни эътиборсиз қолдиради ва ўзининг ва бошқаларнинг ичига қарамайди», - дейди Марио.
