Қироллик клуби бош мураббийи Жозе Моуриньо ўзининг собиқ жамоаси "Челси"ни Чемпионлар лигаси финалида иштирок этиш учун "Барселона" тўсиғидан ўтолмайди, деб ҳисобламоқда.

Унинг таъкидлашича Гвардиола қўл остидаги футболчиларнинг финалга чиқиш имкониятлари юқорироқ: "Барселона" фаворит эмас, улар суперфаворитдир. Тўғрисини айтганда, финал "Реал Мадрид" ва "Челси" клуби ўртасида бўлади, деб ўйламайман. Балки, "Бавария" ва "Барселона" клублари ўртасидаги ажойиб финалга ҳам гувоҳ бўлишимиз мумкин. Мен шунчаки "Реал" Мадрид ва собиқ жамоам билан финалда ўйнаймиз, деб ўйламайман ва биз нега бундай деяётганим сабабини биламиз".

Шунингдек, Моуриньо ярим финалдаги рақиби ҳақида ҳам илиқ фикрларни билдириб ўтди. "Бавария жуда кучли рақиб, - деди Моуриньо. - Бу жамоани мен икки йил олдинги "Интер" жамоси билан кечган финал баҳсидан буён биламан ва уларда бир нечта индивидуал маҳоратли футболчилар бор. Жамоамиз ва мен ажойиб ярим финал баҳси бўлишидан умид қиляпмиз.
Жамоанинг барча футболчилари ҳаммаси аъло даражада бажаришмоқда, жароҳатланган футболчилар ҳам сафимизга қайтмоқдалар ва биз жисмоний ва руҳий жиҳатдан анча қийин кечадиган апрель ойидаги ўйинларга тайёрланмоқдамиз".

АПОЕЛ жамоасига қарши кечган учрашувдаги алмаштирилган футболчилар ҳақида гапираркан Моуриньо, жамоанинг кучини тенг тақсимлашга ҳаракат қилганлигини айтиб ўтди: "Биз ўйинда ғалаба қозониш учун майдонга чиқққан эдик. АПОЕЛнинг тўртта гол ура олмаслигига ишонч ҳосил қилганимдан сўнг, айрим футболчиларга дам беришга ва кучларимизни тенг тақсимлашга ҳаракат қилдим ҳамда Марсело ва Гранероларни алмаштирдим. Балки ҳимоямизда ўйин охирларида бир нечта хатоларга йўл қўйган бўлиўимиз мумкин, лекин мен жамоам ўйинини танқид қилмоқчи эмасман ва аксинча, қаторасига икки мавсумдан буён бир хил тарзда ажойиб ўйин кўрсатиб келаётган жамоамга миннатдорчилик билдирморқчиман".