Германиянинг таниқли футбол нашрларидан бирининг хабар беришича, Синдзи Кагава Дортмунднинг "Боруссия" клуби билан амалдаги шартномасини узайтиришдан бош тортган.
Маълумотларга қараганда, япониялик футболчи ёзда Англия премьер-лигасида тўп суришга яқин турибди.
Нашрнинг маълум қилишича, "Манчестер Юнайтед" ҳамда "Челси" клбулари футболчининг трансфери учун 15 миллион евро тўлашга тайёр.
Ўтган ҳафтада Дортмунд клуби раҳбарияти Кагавага янги 3 йиллик шартнома таклиф қилган эди. Унинг маошиини йилига 1.5 миллион евродан 3 миллион еврога кўтаришга рози бўлган клуб, футболчига ўйлаб кўриш учун вақт берганди. Тасдиқланмаган маълумотларга қараганда, Кагава Дортмунд клубининг таклифини рад этган.
