Суперлига янги мавсумига Туркияда тайёргарлик кўраётган «Динамо» жамоаси хориж йиғини доирасидаги дастлабки учрашувида майдонга тушди.
Бугунги баҳсда Самарқанд клубига Украинанинг «Левый берег» клуби рақиблик қилди. Сиде шаҳарчасида ўтган ўйинни ҳужумкор бошлаган «динамочилар» 3-дақиқадаёқ ҳисобни очишди. Украиналик легионер Евгений Чумак зарбаси билан ҳамюртлари дарвозасини ишғол этди – 1:0.
Иккинчи бўлимда эса мураббийлар штаби таркибда бир қатор ўзгаришлар қилди. Рақиб жамоа ўйиннинг 88-дақиқасига келиб ҳисобни тенглаштиришга эришди – 1:1.
Шу тариқа, «Динамо» Туркиядаги биринчи ўйинида дуранг қайд этди.
Ўртоқлик ўйини. 6 февраль (якшанба)
«Динамо» - «Левый берег» (Украина) – 1:1
Голлар: Евгений Чумак (3) – Петренко (88).
«Динамо»: Милое Прекович, Жўрабек Маннонов, Михайло Йованович, Жасур Жумаев, Сайдулло Раҳматов, Абдужамол Исроилов, Темур Исмоилов, Шоҳмалик Комилов, Тўлқин Эргашев, Евгений Чумак, Фахриддин Алимов.
