«Милан» ҳужумчиси Алешандре Пато мавсум сўнгига қадар майдонга туша олмайди. Бу ҳақда «Football Italia» интернет-нашри хабар бермоқда.
Нашр маълумотларига кўра, «Барселона»га қарши Чемпионлар лигаси чорак финал жавоб учрашувида (1:3) бразилиялик футболчи мушакдаги жароҳатини қайталаб олган. Жароҳатнинг жиддийлик даражаси ҳали тўла аниқланмаган.
Пато ушбу мавсум Италия чемпионати баҳсларида 11та учрашувда майдонга тушиб, битта гол урган эди.













