Лондоннинг "Арсенал" клуби "Сандерленд" клуби ярим ҳимоячиси Стефан Сессеньонни ҳарид қилишга жиддий бел боғлаган.
Ушбу футболчи ўтган йили "Сандерленд" клубига "ПСЖ" сафидан келиб қўшилган эди. Унинг ҳозирги трансфер нархи эса 7 миллион евродан 12 миллион еврога ошган.
"Арсенал" Сессеньон учун "Сандерленд"га айнан шунча миқдорда пул тўлашга тайёр. Лондонликларга бу борада футболчини Парижга қайтариб олиб келишни мақсад қилган "ПСЖ" клуби ҳалақит қилиши мумкин. Аммо лондонликлар бош мураббийи Арсен Венгер ҳозироқ "Сандерленд" вакиллари билан музокараларга киришишга тайёр эканлигини билдирган.
