Мюнхеннинг “Бавария” клуби ҳужумчиси Томас Мюллер фаолиятини Англия Премьер-лигасида давом эттириши мумкин. 32 ёшли германиялик футболчининг хизматларига "Ньюкасл Юнайтед" қизиқиш билдирмоқда, деб хабар беради Bild.
Томаснинг ўзи ҳали "Ньюкасл"га ўтиш мақсадга мувофиқлигига ишончи комил эмас, чунки футболчи совринлар учун курашмоқчи.
Мюллер "Бавария"да 2007 йилдан бери ўйнайди. Унинг клуб билан шартномаси 2023 йилгача мўлжалланган. Мюнхен клуби таркибида Мюллер Германия чемпиони, кубок ва суперкубок соҳиби, шунингдек, Чемпионлар лигаси ғолиби ҳисобланади.
Мюллер жорий мавсум Бундеслигада 20 та ўйинда майдонга тушиб, 6 та гол ва 16 та голли узатмага муаллифлик қилган.
