Ҳимоячи Никлас Зюле ёздан «Бавария»дан «Боруссия» (Дортмунд)га эркин агент сифатида кўчиб ўтиши ҳақида хабар берилганди.
26 ёшли футболчи дортмундликлар билан тўрт йиллик шартнома имзолайди ва йилига 10 миллион евро маош олади.
Германиялик ҳимоячи янги шартнома бўйича таклиф қилинган молиявий шартлардан қониқмагани учун «Бавария»ни тарк этишга қарор қилди.
Хабарда айтилишича, мюнхенликлар Зюлега йилига 10 миллион евродан камроқ маош таклиф қилишган. Айни пайтда Никлас йилига тахминан олти миллион евро маош олмоқда.