Якшанба куни Африка Миллатлар Кубоги якунланди, финалда Сенегал терма жамоаси Миср терма жамоасини пенальтилар сериясида мағлуб этишга муваффақ бўлди. Эътиборлиси, бешинчи бўлиши керак бўлган Муҳаммад Салоҳ 11 метрлик нуқтадан зарба беришга улгурмади.
«Ливерпул»нинг собиқ футболчиси Жейми Каррагер маҳаллий телевидение орқали Салоҳнинг қарорини танқид қилди. Унинг таъкидлашича, ўз жамоасининг етакчиси ва энг яхши пенальти тепадиган футболчиси бундай таваккал қилмасликлари керак. Етакчи ҳеч қачон якуний зарбани бермаслиги керак. У бу ҳолатни Евро-2012 ярим финали билан солиштирди, ўшанда Португалия Испанияга айнан шу тарзда мағлуб бўлган. Ўша серияда 11 метрлик нуқтадан зарба бериш навбати Криштиану Роналдуга етиб бормаган эди.
