Yakshanba kuni Afrika Millatlar Kubogi yakunlandi, finalda Senegal terma jamoasi Misr terma jamoasini penaltilar seriyasida mag‘lub etishga muvaffaq bo‘ldi. E’tiborlisi, beshinchi bo‘lishi kerak bo‘lgan Muhammad Saloh 11 metrlik nuqtadan zarba berishga ulgurmadi.
«Liverpul»ning sobiq futbolchisi Jeymi Karrager mahalliy televideniye orqali Salohning qarorini tanqid qildi. Uning ta’kidlashicha, o‘z jamoasining yetakchisi va eng yaxshi penalti tepadigan futbolchisi bunday tavakkal qilmasliklari kerak. Yetakchi hech qachon yakuniy zarbani bermasligi kerak. U bu holatni Yevro-2012 yarim finali bilan solishtirdi, o‘shanda Portugaliya Ispaniyaga aynan shu tarzda mag‘lub bo‘lgan. O‘sha seriyada 11 metrlik nuqtadan zarba berish navbati Krishtianu Ronalduga yetib bormagan edi.
