"Реал"нинг хорватиялик ярим ҳимоячиси Лука Модрич қачон фаолиятини якунлаши ҳақида гапирди.
"Қачон фаолиятимни якунлайман? Билмайман. Балки 40 ёшдадир. Балки кейинроқ ёки эртароқ. Кўрамиз. Бугунги футболда жуда муҳим бўлган жисмоний тайёргарлигимни сақлаб қолиш учун кўп меҳнат қиляпман. Деярли 37 ёшдаман. Шунга қарамай, жисмоний ва руҳий томонлама ўзимни яхши ҳис қиляпман. Кўрамиз, яна қанча вақт шундай руҳда давом этарканман", - деди ярим ҳимоячи.
Маълумот учун, 36 ёшли футболчи ва "Реал" ўртасидаги амалдаги шартнома жорий мавсум якунида нихоясига етади. Томонлар уни яна бир мавсумга узайтириш борасида музокаралар олиб бормоқда.
