Сенегал терма жамоаси аъзоси, Африка чемпиони Садио Мане Салаҳга нималар дегани ҳақида "beIN SPORTS" телеканалига интервью берди. У бу ҳақида шундай дейди:
"Мен унга у ҳали ҳам жуда ҳам кучли футболчи эканини ва у билан бир клубда ўйнашимдан фахрланишимни айтдим. Менда Салоҳга нисбатан кучли ҳурмат ҳиси мавжуд. Чунки у ўз мамлакати учун қўлдан келган ҳамма нарсани қилди ва қилиб келмоқда.
Ҳа, у финалда ғалаба қозона олмади, аммо бу ҳаммаси тугади дегани эмас. Мен унга шунингдек, у учун ҳали ҳаммаси тугамаган эканини, 2023 йилги Африка чемпионатида унда яна имконият бўлишини билдирдим. Салоҳнинг жамоаси ёш ва бир кун келиб бу совринни қўлга киритиши мумкин".
Эслатиб ўтамиз, Салаҳ ҳамда Мане Жаҳон чемпионатига саралаш доирасида ҳам тўқнаш келишади. Ушбу баҳс 24 март куни бўлиб ўтади.
