Senegal terma jamoasi a’zosi, Afrika chempioni Sadio Mane Salahga nimalar degani haqida "beIN SPORTS" telekanaliga intervyu berdi. U bu haqida shunday deydi:
"Men unga u hali ham juda ham kuchli futbolchi ekanini va u bilan bir klubda o‘ynashimdan faxrlanishimni aytdim. Menda Salohga nisbatan kuchli hurmat hisi mavjud. Chunki u o‘z mamlakati uchun qo‘ldan kelgan hamma narsani qildi va qilib kelmoqda.
Ha, u finalda g‘alaba qozona olmadi, ammo bu hammasi tugadi degani emas. Men unga shuningdek, u uchun hali hammasi tugamagan ekanini, 2023 yilgi Afrika chempionatida unda yana imkoniyat bo‘lishini bildirdim. Salohning jamoasi yosh va bir kun kelib bu sovrinni qo‘lga kiritishi mumkin".
Eslatib o‘tamiz, Salah hamda Mane Jahon chempionatiga saralash doirasida ham to‘qnash kelishadi. Ushbu bahs 24 mart kuni bo‘lib o‘tadi.
