"Тоттенхэм" бош мураббийи Антонио Конте "Аталанта"дан ижарага олинган ҳимоячи Кристиан Ромерони сотиб олинишини тасдиқлади.
"Июнь ойидан бошлаб, Кристиан Ромеро тўлиқ бизнинг ўйинчимизга айланади. У ижарага олинган, лекин биз уни сотиб олишга мажбурмиз. "Аталанта" билан барчаси келишилган.
Ромеро Премьер-лига футболи учун мос келадиган футболчи", - дея Контенинг сўзларидан иқтибос келтирган журналист Фабрицио Романо "Twitter" саҳифасида.
Маълумот учун, 23 ёшли Аргентина терма жамоаси аъзоси жорий мавсумда "Тоттенхэм" сафида 14 ўйинда майдонга тушган. Трансфермаркт портали уни 35 миллион еврога баҳолаган.
