Англиянинг «Манчестер Юнайтед» клуби АПЛ доирасида сафарда «Бёрнли» жамоасини қаршилигини енга олмади. "Қизил иблислар" устози учрашувдан сўнг ўз фикрлари билан ўртоқлашди.

- Биринчи бўлимда жуда яхши ҳаракат қилдик, ҳатто учта гол киритдик, тўғри уларнинг иккитасини ҳисобга олишмади. Афсуски, иккинчи бўлимда бизда тажовузкорлик йўқолди, аксинча, рақиб эса иккинчи бўлимни аъло даражада ўтказди. Қайд этилган натижадан ғазабдаман, чунки, биз уч очкога ҳақли эдик. Бизга озгина омад етишмади, - Рангникнинг сўзларидан иқтибос келтирмоқда BBC Sport.

Эслатиб ўтамиз, "Бёрнлик" - "МЮ" жамоалари ўртасидаги баҳсда 1:1 натижаси қайд этилди.