Миланнинг “Интер” клуби ҳимоячи Алессандро Бастонидан айрилди. 22 ёшли футболчи “Рома”га (2:0) қарши кубок ўйинида тўпиғидан жароҳат олди.
Football Italia хабарига кўра, футболчининг жароҳати жиддийлиги ҳали аниқланмаган. Шу билан бирга, “нерадзуррилар” Алессандро Чемпионлар лигаси плей-офф босқичида “Ливерпуль” билан иккала ўйинни ҳам ўтказиб юборишидан қўрқмоқда. Биринчи ўйин 16 февраль куни Миланда, жавоб ўйини 8 март куни "Энфилд"да бўлиб ўтади.
Жорий мавсумда Бастони Италия чемпионатининг 21 учрашувида иштирок этди. Ҳимоячида битта гол, учта голли узатма ва учта сариқ карточка бор.
