Лондоннинг “Тоттенхэм” клуби бош мураббийи Антонио Конте келажакда ўзининг собиқ шогирди Кристиан Эриксен билан ишлашини истисно қилмади. Эслатиб ўтамиз, аввалроқ даниялик эркин агент сифатида "Брентфорд"га ўтганди.
“Албатта, Эриксен “Тоттенхэм” тарихининг бир қисми ва унинг қайтиши у учун ҳам, мен учун ҳам ажойиб имконият бўларди. Унинг майдонга қайтишидан хурсанд бўладиган биринчи одамман. Биз “Интер”да ажойиб мавсум ўтказдик ва у ерда чемпионликни қўлга киритдик. Келажакда нима бўлишини ҳеч қачон билмайсиз", - деди Конте матбуот анжуманида.
