"Манчестер Сити" бош мураббийи Хосеп Гвардиола "Брентфорд"га (2:0) қарши ўйиндан сўнг ярим ҳимоячилар Кевин де Брюйне ва Рийад Маҳрезнинг ўйини ҳақида гапирди. Охирги учрашувда бельгиялик ва жазоирлик рақиблар дарвозасига биттадан гол урди.
“Бу мавсумда Де Брюйне кўп гол урмоқда. Бизда ҳужумчи йўқ, жамоа эса гол уришга мажбур. "Манчестер Сити"да керакли вақтда майдонга тушиб, гол уришга қодир ўйинчилар етарли", - дея хабар беради клуб матбуот хизмати.
Олдинроқ "Сити" ёзги трансфер ойнасида ҳужум чизиғини кучайтириши мумкинлиги ҳақида хабарлар тарқалган эди. Норвегиялик тўпурар Эрлинг Холанд Англия клуби билан шартнома имзолаши айтилмоқда.