"Манчестер Сити" бош мураббийи Хосеп Гвардиола Англия чемпионатининг 24-турида "Брентфорд"ни мағлуб этганидан сўнг (2:0) Жоау Канселунинг ҳужум қанотидаги ўйинлари муҳимлигини қайд этди.

“Бу муҳим ғалаба эди, яна уч очко ва бизда мавсум якунига 14 ўйин қолганида 60 очко бор.

Жоау Канселу энг вингер, бизнинг номинал қанот футболчилардан яхшироқ. У ҳақиқатан ҳам зўр ўйнади. Стоунз ва Канселу улар ўз ҳаракатлари билан бошқа йигитлар учун кўпроқ жой яратдилар", - дея Гвардиоланинг сўзларини келтиради BBC.

"Манчестер Сити" АПЛ турнир жадвалида пешқадамлик қилиб, "Ливерпуль"дан 12 очко олдинда бормоқда.