Нидерландия терма жамоасининг собиқ ярим ҳимоячиси Уесли Снейдер “Интер” шон-шараф залига киритилди. Бу ҳақда “нерадзуррилар” матбуот хизмати хабар бермоқда.
“Бу мен учун катта шараф, мен жуда хурсандман. "Интер" билан энг ёқимли хотираларим қалбимда абадий қолади. “Интер” – менинг оилам. “Жузеппе Меацца”га қайтишни ва “Интер” мухлислари билан ушбу воқеани нишонлашни сабрсизлик билан кутяпман”, - деди Снейдер.
Эслатиб ўтамиз, Снейдер 2010 йилда "Интер" етакчиларидан бири бўлган, ўшанда қора-кўклар тарихий муваффақиятга эришганди. Жозе Моуриньо бошчилигида “Интер” А серия, Италия кубоги ва Чемпионлар лигасида ғолиб чиққан.
