«Ювентус» бош мураббийи Массимилиано Аллегри Италия кубогининг чорак финалида бўлиб ўтган «Сассуоло»га қарши ўйин (2:1) борасида ўз фикрини билдириб ўтди.

«Ўйин деярли якунланиб қолганди, аммо баҳс сўнгида гол уришга муваффақ бўлдик. Иккинчи бўлимда биз яхши ўйнадик ва кўп голли вазиятлар яратдик.

Дибала 3-дақиқада тезкор гол урганидан кейин биз ухлаб қолдик ва «Сассуоло» бизни ҳимояга қамаб қўя бошлади. Якунда эса рақиб ҳисобни тенглаштирди. Биринчи бўлим сўнгида ниҳоят "уйғондик" ва ҳужумга ўта бошладик.

Танаффусдан кейин ўйинга тўғри ёндошдик ва тажовузкор ўйин намойиш эта бошладик. Яккакурашларда тўпни тезда олиб қўйганимиз ҳал қилувчи омил бўлди, айниқса, «Сассуоло» каби жамоага қарши учрашувда", – деди Аллегри.