Пекин-2022 қишки Олимпия ўйинларининг тўққизинчи кунига келиб ҳамюртимиз Комилжон Тўхтаев мусобақадаги иштирокини бошлади. Спортчимиз гигант-слалом дастурида стартга 60-рақамда чиқди.

Ҳамюртимиз пешқадам Марко Одерматт (Швейцария)дан 9,84 сония ортда қолди. Тўхтаев финишга яқин қолганида хатога йўл қўйди ва йиқилиб тушди. Шунга қарамай, у ўрнидан турди ва финишгача етиб келишга муваффақ бўлди. Натижада у 89 спортчи орасида 35-поғонани банд этди. Комилжон йиқилиб тушмаганида натижаси яхшироқ бўларди (кучли ўттизталикка кирарди).

Стартга чиққан спортчиларнинг 35 нафари финишгача етиб келганини таъкидлаш лозим. Улар иккинчи уринишда иштирок этишмайди.

Маълумот ўрнида. Комилжон Тўхтаев 2018 йилги қишки олимпиадада биринчи уринишда 60-ўрин, иккинчи уринишда 58-ўринни, икки уриниш бўйича эса 52-поғонани банд этганди. Ўшанда у пешқадамдан 18 сония атрофида ортда қолганди.