Германия терма жамоаси ва “Челси” ҳимоячиси Антонио Рюдигер Лондон клуби билан жорий мавсум якунига етадиган шартномаси борасидаги вазият ҳақида гапирди.
"Мен "Челси"да бахтлиман, буни клубдаги ўйинимдан ҳам кўриш мумкин, деб ўйлайман. Мен ҳар бир ўйинда бор кучимни сарфлайман. Бироқ келажак фақат менга боғлиқ эмас. Клубда ҳам қарор қабул қиладиган одамлар бор”, дея футболчининг сўзларини келтиради инсайдер Фабрицио Романо.
Рюдигер жорий мавсумда барча турнирларда 34 та ўйинда майдонга тушиб, 3 та гол ва 2 та голли узатмани амалга оширди.
