Англиянинг "Манчестер Сити" клуби бош мураббийи Роберто Манчини ҳозирда "Тоттенҳэм" сафида ижарада тўп сураётган Эммануэль Адебайорга келаси мавсумда умид қилмаётганини яшириб ўтирмади.
"Адебайор истеъдодли ҳужумчи. Уни футболи сифатида ҳам инсон сифатида ҳам ҳурмат қиламан. Агар "Тоттенҳэм" уни келаси мавсумда ҳам ўйнатишни истаса, бемалол унинг трансферини сотиб олиши мумкин.
"Мен унинг истеъдодига шубҳа қилмайман. Шунчаки айни дамда унга "Сити" таркибида жой йўқ. Бизда шундоқ ҳам таркибимизда тўртта ҳужумчи бор.", - дейди италиялик мураббий Премьер-лига расмий сайтига берган интервьюсида.
