Нидерландиянинг "Аякс" клуби ўнг қанот ҳимоячиси Нуссаир Мазрауи ёзги трансферлар ойнасида жамоасини ўзгартириши мумкин.
Журналист Фабрицио Романонинг маълум қилишича, футболчи нидерланд клуби билан амалдаги шартномасини узайтиришни истамаяпти. Унга "Барселона", "Боруссия Д" ва Италиянинг гранд клубларидан таклиф бор.
Эслатиб ўтамиз, 24 ёшли Марокаш терма жамоасининг аъзоси ва "Аякс" ўртасидаги амалдаги шартнома 2022 йилнинг июнь ойи охиригача амал қилади. Мазрауи бу мавсум барча турнирларда 25 ўйинда майдонга тушиб, 5 та гол ва 3 та голли узатмада иштирок этган.
