Niderlandiyaning "Ayaks" klubi o‘ng qanot himoyachisi Nussair Mazraui yozgi transferlar oynasida jamoasini o‘zgartirishi mumkin.

Jurnalist Fabrisio Romanoning ma’lum qilishicha, futbolchi niderland klubi bilan amaldagi shartnomasini uzaytirishni istamayapti. Unga "Barselona", "Borussiya D" va Italiyaning grand klublaridan taklif bor.

Eslatib o‘tamiz, 24 yoshli Marokash terma jamoasining a’zosi va "Ayaks" o‘rtasidagi amaldagi shartnoma 2022 yilning iyun oyi oxirigacha amal qiladi. Mazraui bu mavsum barcha turnirlarda 25 o‘yinda maydonga tushib, 5 ta gol va 3 ta golli uzatmada ishtirok etgan.