"Динамо" бош мураббийи Аҳмад Убайдуллаев ўйиндан кейинги матбуот анжуманида иштирок этмади. Унинг ўрнига айнжуманда катта мураббий Ильдар Сакаев иштирок этди.
- Бугунги учрашувда ҳимояда қўпол хатоларга йўл қўйдик. Шу сабабли бугун очко йўқотдик. Бошқа нима ҳам дея оламан...
- Бугун "Динамо"нинг энг заиф бўғини қайси бўлди?
- Мағлубиятга бутун жамоа айбдор...
- Ёшларнинг хизматидан нега фойдаланмаяпсизлар? Омад Тайлоқов масалан?
- Тайлоқов 1 йил аввал дисквалификацияга учраганди. "Умид Ниҳоллари" мусобақаларида. Ана энди унинг хизматидан фойдалансак бўлади. Ҳозирда бошқа кўплаб футболчилар кузатувимиз олдида турибди.
- Нега Аҳмад Убайдуллаевнинг ўзи матбуот анжуманига келмади?
- У кишининг асабалари дош бермаяпти. кетма кет мағлубиятлардан сўнг.
- Ўтган йили Виктор Жалилов жамоани пароканда қилгач, Аҳмад ака иккинчи давра бошида "Насаф"ни сафарда ютган, "Пахтакор"дан шу ерда очко тортиб олган эди. Бу йил нима тубдан ўзгардики, шу мураббий қўл остида мавсум бошидан шу жамоаларга мағлубиятга учралди?
- Мавсумга тайёргарлик кўнгилдагидек бўлмади. Етук футболчилар сафимизни тарк этди. Масалан, Дэвид Ониянинг ўзини мисол келтириш мумкин. Ҳимоя чизиғимиз биз кутган ўйинни намойиш этмаяпти.
