"Манчестер Юнайтед" ярим ҳимоячиси Поль Погбанинг келажаги ноаниқлигича қолмоқда. Бу ҳақда "The Telegraph" нашри маълумот тарқатди.

Манба берган хабарга кўра, 28 ёшли франциялик футболчи келгуси фаолияти ҳақида қарор қабул қилиш учун мавсум охиригача кутишга тайёр.

Қайд этилишича, ярим ҳимоячи барча клублар, жумладан, Премьер-лига жаомоаларининг таклифларини тинглашга тайёр. Шунингдек, Погбанинг "Манчестер Юнайтед"да қолиш варианти ҳам инкор этилмайди.

Жорий мавсумда Погба “қизил иблислар” сафида 17 та ўйинда майдонга тушиб, 1 та гол урди ва 8 та голли узатмани амалга оширди. Унинг инглиз клуби билан шартномаси 2022 йилнинг 30 июнига қадар мўлжалланган.