"Manchester Yunayted" yarim himoyachisi Pol Pogbaning kelajagi noaniqligicha qolmoqda. Bu haqda "The Telegraph" nashri ma’lumot tarqatdi.

Manba bergan xabarga ko‘ra, 28 yoshli fransiyalik futbolchi kelgusi faoliyati haqida qaror qabul qilish uchun mavsum oxirigacha kutishga tayyor.

Qayd etilishicha, yarim himoyachi barcha klublar, jumladan, Premyer-liga jaomoalarining takliflarini tinglashga tayyor. Shuningdek, Pogbaning "Manchester Yunayted"da qolish varianti ham inkor etilmaydi.

Joriy mavsumda Pogba “qizil iblislar” safida 17 ta o‘yinda maydonga tushib, 1 ta gol urdi va 8 ta golli uzatmani amalga oshirdi. Uning ingliz klubi bilan shartnomasi 2022 yilning 30 iyuniga qadar mo‘ljallangan.