"Ливерпуль" ЕЧЛ доирасида «Интер» (2:0) жамоасини сафарда мағлубиятга учратди.

Англияликлар таркибида Жеймс Милнер майдонга тушди. Opta порталининг тарқатган маълумотига қараганда, ушбу баҳс 36 ёшли англиялик футболчи учун профессионал фаолиятидаги 800-учрашувига айланди.

Милнер 275 та ўйинда «Ливерпуль», 203 та ўйинда «Манчестер Сити», 136 та ўйинда«Ньюкасл», 126 та ўйинда «Астон Вилла», 54 та ўйинда «Лидс Юнайтед» ва 6 та ўйинда«Суиндон Таун» жамоалари таркибида майдонга тушган.

Милнер фаолиятини 2002 йилда бошлаган. Шу тариқа у 20 мавсумда 800 та учрашув ўтказди.