Испаниянинг "Валенсия" клуби борш мураббийи Мадриднинг "Реал" клубига қарши кечган учрашувдан кейин журналистлар билан бўлиб ўтган суҳбатда ўз жамоасининг ўйинидан кўнгли тўлганини ва учрашув ҳакамининг қарорлари ўйинга ўз таъсирини кўрсатмаганини таъкидлади.
"Сантьяго Бернабео"да ўйнаш доимо қийин. "Реал" жуда кучли жамоа ва улар ўз майдонларида ажойиб ғалабалар сериясини ўтказмоқдалар. Биз бутун жамоа бўлиб ҳимояланишдан қочдик ва ҳужум чизиғимиздаги ижрочиларга ишондик. Эътибор берган бўлсангиз, "Реал" бутун жамоа бўлиб ҳужум уюштираётган пайтда ҳам бизнинг камида икки, уч футболчимиз майдоннинг нариги томонида қолишди"
"Омад бироз бизга кулиб боқди дейишим мумкин. Лекин, бизда ҳам уларнинг дарвозасини ишғол қилиш бир қатор имкониятлар бўлди. Икки бора дарвоза тўсини "Реал"ни қутқариб қолганини ҳам эсдан чиқармаслик керак.
"Жамоам ажойиб ҳарактер кўрсатди. Бунинг учун уларга ташаккур. "Реал"дек жамоадан очко олиш яхши натижа. Ушбу ўйиндан сўнг футболчиларда ўзига бўлган ишончи ортди. Энди биз учинчи ўрин учун курашда ғолиб чиқишимиз керак", дейди "Валенсия" устози.
"Негадир ҳакамлар борасида кўп саволлар беришаяпти. Бош ҳакам айтарли ҳатоларга йўл қўймади. Унинг қарорлари ўйинга ўз таъсирини кўрасатгани йўқ. Иккала жамоа ҳам ўз имкониятиридан фойдаланганида ҳеч ким ҳакамларни гапирмас эди"
