«Рома» бош мураббийи Жозе Моуриньо 2021/2022 йилги мавсум якунида жамоасининг Чемпионлар лигасига йўлланмани қўлга кирита олмаслиги ҳақидаги саволга жавоб берди.
«Рома» айни дамда А Серия турнир жадвалида 7-ўринни эгаллаб, Чемпионлар Лигаси зонасидан 6 очко ортда қолмоқда.
«Мен Чемпионлар лигасини ўтказиб юбормайман. Ҳозир биз Конференциялар лигасида ўйнаяпмиз ва бор эътиборимизни шунга қаратамиз.
Чемпионлар лигасида 150 дан ортиқ ўйин ўтказдим, лекин ҳеч нарсадан нолимайман. Қолаверса, бу ҳафта бирорта ҳам яхши ўйин кўрмадим. «ПСЖ» - «Реал Мадрид»? — Йўқ, бу ўйин менга ёқмади.
Эртага Италия чемпионати доирасидаги «Верона» билан баҳсни кутаман. Бизда жуда кўплаб йўқотишлар бор, аммо ҳар қандай ҳолатда ҳам бизда жароҳат олганларнинг ўрнини боса оладиган ўйинчилар бор», - дейди Моуриньо.