"Челси"нинг икки футболчиси "Кристал Пэлас"га қарши ўйинда қатнаша олмаслиги мумкин. Тимо Вернер ҳамда Сесар Аспиликуэтада муаммо бор. Бу ҳақида жамоа устози Тухел маълум қилди:
"Албатта, Бен Чилвелл, Моунт ҳамда Жеймслар жамоага ҳали ҳам ёрдам бера олмайди. Шунингдек, бизда Аспи борасида ҳам баъзи ноаниқликлар бор. Биз ўйиндан олдин уни текширувдан ўтказамиз. У кечаги машғулотларда ўзини ёмон ҳис қилди. Шундай экан, футболчини ўйинга қўйишни яна бир бор ўйлаб кўришимиз керак. Бунга қўшимча равишда Тимода ҳам шамоллаш белгилари кузатилди".
Эслатиб ўтамиз, "Челси" ҳамда "Кристал Пэлас" учрашуви бугун Тошкент вақти билан соат 20:00да старт олади. Ўйинни Узрепорт ТВ канали орқали жонли эфирда томоша қилишингиз мумкин.
