Англиянинг "Ливерпуль" собиқ ҳимоячиси Жейми Каррагернинг фикрича, «Манчестер Сити» АПЛ чемпионлиги учун фаворит саналади.

«Мен ҳалигача АПЛ чемпионлиги учун курашда «Манчестер Сити»ни фаворит деб ҳисоблайман, чунки, «Ливерпуль» ҳали улар билан сафарда ўйнагани йўқ. Шунингдек, «Ливерпул»нинг тақвими "шаҳарликлар"никига қараганда бироз қийинроқ.

Мен барибир барча нарса «Манчестер Сити»нинг ўзини қўлида эканлигини айтаман. Ҳатто, «Ливерпуль» каби клубнинг ҳам «Этихад»да ғалаба қозониши осон бўлмайди. Лекин, чемпионлик учун қайта кураш бошлангани нафақат "Ливерпуль" мухлислари учун, балки бутун мамлакат учун ажойиб бўлди.

Олти ҳафта олдин биз буни тасаввур қила олмасдик», – деди «Ливерпул»нинг собиқ ҳимоячиси.