"Манчестер Юнайтед" бош мураббийи Ральф Рангник ярим ҳимоячи Жесси Лингарднинг нима сабабдан "Лидс"га қарши ўйинда асосий таркибга киритилганини тушунтирди.
"Лингард бой тажрибага эга футболчи. У майдоннинг катта қисмида фаол ҳаракатлана олади. Сўнгги машғулотларда яхши ҳаракат қилгани учун уни асосий таркибда майдонга туширдим", - деган Рангник "Sky Sports" телеканалига.
Эслатиб ўтамиз, 29 ёшли англиялик футболчи 2020 йил 1 январдан бери илк марта “Манчестер Юнайтед”нинг асосий таркибида майдонга тушди.
Жорий мавсумда Лингард манкунианликлар сафида 16 та учрашувда 2 та гол урди ва 1 та голли узатмани амалга оширди. Ярим ҳимоячининг клуб билан шартномаси 2022 йилнинг 30 июнига қадар мўлжалланган.
