Фарғонанинг «Нефтчи» клуби «Ал-Уруба»га қарши Уммонда бўлиб ўтган ўйинда ўз дарвозаси даҳлсизлигини сақлаб қолди.

Ўз навбатида, Саркисян шогирдлари рақиб жамоа дарвозасига ҳам йўл топа олишгани йўқ. Учрашув 0:0 ҳисобидаги дуранг натижа билан якунига етди. Ўйин якунига етиши арафасида «Нефтчи» футболчиси майдондан четлатилди.

Маълумот ўрнида айтиш жоиз, икки жамоа ўртасида Фарғонада бўлиб ўтган баҳсда «Нефтчи» Уммон клубини 3:1 ҳисобида мағлубиятга учратган эди.

Ушбу натижадан сўнг «Нефтчи»нинг очколари сони 8тага етди. Агар Ҳиндистонда бўлиб ўтаётган баҳсда «Ал-Виҳдат» ғалаба қозонмаса, Саркисян шогирдлари гуруҳдаги пешқадамликни сақлаб қолишади.

ОФК Кубоги, «D» гуруҳи, 4-тур
10 апрель, сешанба
«АЛ-УРУБА» — «НЕФТЧИ» 0:0
«АЛ-УРУБА»: 20. Аҳмад ал-Калҳати, 6. Ҳабиба Даҳманий, 7. Иброҳим Солиҳ (Данило Тейшейра, ), 8. Рашид Али Саад, 16. Сауд Сувайд, 21. Муҳаммад Ҳамид, 22. Жума Дарвиш, 24. Муҳаммад Солиҳ Ҳадид, 25. Иброхим Субайт, 27. Эйд Муҳаммад, 35. Абдуллох Солиҳ Абдул.
«НЕФТЧИ»: 12. Элдор Исабоев, 3. Шукур Пўлатов, 4. Ойбек Нурбоев, 6. Бахтиёр Ёқубов, 7. Мансур Саидов, 8. Азиз Алижонов, 11. Отабек Исроилов, 17. Сардор Мирзаев, 22. Иқбол Акрамов, 28. Дилёрбек Эрматов, 34. Шавкат Насибуллаев.