Бугун Ўзбекистон Профессионал футбол лигаси томонидан Суперлига ҳамда Про лига иштирокчи клубларининг медиа бўлими ходимлари учун махсус семинар ташкил этилди.

Унда мавжуд ютуқ ва камчиликлар, янги мавсум режалари, ўзаро ҳамкорлик масалалари муҳокама этилди. Ортда қолган 2021 йилда қайси клублар ушбу йўналишда фаол ва самарали ишлагани, қайси клублар эса, аксинча, бироз қониқарсиз фаолият олиб боргани ўрганилди ҳамда ўша камчиликларни бартараф этиш бўйича таклифлар берилди.

Семинарнинг иккинчи қисмида 2021 йилги ва ундан олдинги мавсумларда содир бўлган мунозарали вазиятлардан тузилган видеокейслар матбуот хизмати ходимлари билан таҳлил қилинди.