«Барселона» ўз тарбияланувчиси бўлган «Бенфика»нинг испаниялик чап қанот ҳимоячиси Алехандро Гримальдони ортга қайтариши мумкин, дея хабар беради Fichajes нашри.
Манбага кўра, 26 ёшли футболчи Хорди Альбага ўринбосар сифатида кўрилмоқда. Шунингдек, каталонияликлар «Валенсия» ва Испания терма жамоаси ҳимоячиси Хосе Луис Гайяни ҳам сотиб олмоқчи.
Олдинроқ Гайя «Валенсия» билан шартномасини узайтиришга яқин экани хабар қилинганди.
Гримальдо жорий мавсумда барча турнирларда 35 та ўйинда майдонга тушиб, 4 та гол ва 7 та голли узатмани амалга оширди.
